OGOTERA 151 - 175

K`EBIBE BIRE `BIRITO   1 K`ebibe bir` ebirito, Nchwo ase Nyasae; Keene nagotimokie, Koregen` Eng`ana.   Chorus: Mwanche rioka, mwanche rioka, Mwanch` Ere bono, Nagokonye, `Gokonye bono.   2 Agaitera amanyinga, Tonyore ebisio; Bwetobek` amanyinga ime, orabe kegima.   3 Yes` enchera, ekeene, `Koru` ogotimoka; Momwegene timonyorwa, Namoseseneke.   4 Nchwo moso` as` omoganda, Mogende Igoro; Komenya ense engiya, Mogoko botambe.

YESO NGOET` ARE   1 Yeso ngoet` are, Yeso ngoet` are, `Meuko nchwo monyor` amaiso; Yeso bwanchire nabagwenie inwe, `Maiso ain` aramokie, morore; Inchwo Yeso aba` okorora.   2 Yeso ngoet` are, Yeso ngoet` are, `Nchw` ebirem` as` omogweni` o bonsi; Manying` agaiteka abatorie, Naigw` okorangeria gw` ekerema; Bono ngoet` are ase bonsi.   3 Yeso ngoet` are, Yeso ngoet` are, `Nchw` abataka namoigotigwe; Nabarae inwe, nabaragerie, Yes` obachikire moigote; `Nchwo Igor` as` ebiage bichire.   4 Yeso ngoet` are, Yeso ngoet` are, Inw` abamochi, moche asare; Twabasoroire, mwanche rero iga, Moche bwango Gakorangeria; Inchw` abamochi, momwanche Yeso.

`BOGIM` OBUYA MBWENG`E   1 `Bogima obuya mbweng`e buna rito rokogwa Bun` ebigar` ebiom` obe ang`e, Matuko nkoer` are nababe batugutwe; Mabera nkoer` ar` obe ang`e.   Chorus: Ob` ang`e, ob` ang`e Yeso gakorangeria obe ang`e Goteban` as` ebibe gesieri nagesiekwe Birero biao mbosa ob` ang`e.   2 Bisicha biya bisira basae bagota, Tori n`engaki entamb` ob` ang`e; Nyasae okorangeirie tiga ogotayaya, Karwe as` obosiru ob` ang`e.   3 Bwang` engaki neete, emechando echiche, Tama goch` ase Yes` ob` ang`e; Kab` aye omong`aini tosiekerwa isiko, Erio oche gosir` ob` ang`e.   4 Aye omonyabibe Igw` eriogi ria Yeso, Aba Igoro bagok, ob` ang`e; Tama korw` omosunte Bweorokie `se Yeso, `Chak` orogendo bon` ob` ang`e.

TIGA YESO ACH` ENKORO   1 Kwarosire n` egurub` endito, Tiga Yeso ach` enkoro; Koganeti obogima oboyia, Tiga Yeso ach` enkoro.   Chorus: Tiga chitang`utang`u, Bono takomokana; Bono igor` enkoro, Yeso ache enkoro.   2 Onye nobochenu oganetie, Tiga Yeso ach` enkoro; Ensoko y` ogosibia nereo, Tiga Yeso ach` enkoro.   3 Kore namatemwa otanyare, Tiga Yeso ach` enkoro; Kore nokogani` ens` etabue, Tiga Yeso ach` enkoro.   4 Gotegeneti abasani bao, Tiga Yeso ach` enkoro; Morore Mosani ki arabe, Tiga Yeso ach` enkoro.   5 Koratere amo nababui, Tiga Yeso ach` enkoro; Korasoe as` obotimoko, Tiga Yeso ach` enkoro.   6 Ntige chitang`utang`u, Bono tinkomokana; Naigoire enkoro, Yeso ache nkoro yane.

IR` OBOGIMA BWANE   1 Ir` obogima bwane, Bochene bob` obwao; Ir` amaboko naro, `Kore bun` origetie; `Kore bun` origetie.   2 Ir` amagor` ane, `B` amang` as` emeremo; Ira n` eriogi riane, Nter` ase Nyasae oka; Nter` ase Nyasae oka.   3 Ir` ebikoba biane, Bikwan` ay` ar` ayao; Ir` amo n`echinibo, Tindigetie kobisa; Tindigetie kobisa.   4 Ira chingaki chiane, Chikobake botambe; Ir` obong`aini bwane, Korer` ay` origetie; Korer` ay` origetie.   5 Ira ogwancha kwane, Gokore kob` okwao; Ir` enkoro yane, Eb` obomenyo bwao; Eb` obomenyo bwao.   6 Ir` obwanchani bwane, Nib` as` amagor` ao; Ir` omobere bwensi, noyoo bono bori, Noyoo bono bori.

INCHWO BONO   1 Inchwo bono, Inchwo bono, Ase Yeso bono; Bono natochiche, Ase Yeso bono.   2 Nagotorie Nagotorie, Nagotorie bono; Bono Omonene, Nomotoria bono.   3 Nanyar` Ere, Nanyar` Ere, Omonene Yeso; Bono Nanyar` Ere, Omonene Yeso.   4 Mwegen` Ere, Mwegen` Ere, Omonene Yeso; Bono , Mwegen` Ere, Omonene Yeso.   5 Morangerie, Morangerie, Omonene Yeso; Bono , Morangerie, Omonene Yeso.   6 Nakoigw` Ere, Nakoigw`Ere, Omonene Yeso; Bono , Nakoigw` Ere, Omonene Yeso.   7 Rora Yeso, Rora Yeso, Omonene Yeso; Bono , Rora Yeso, Omonene Yeso.   8 Nakwabere, Nakwabere, Omonene Yeso; Bono Nakwabere, Omonene Yeso.   9 Takomwanga, Takomwanga, Omonene Yeso; Bono , Takomwanga, Omonene Yeso.   10 Halleluya, Halleluya Amen; Bono, Halleluya  Halleluya Amen.

`BWANCHANI BORIA BWAKARE   1 Yes` Omonen` agateba randi; ogokonyeka, Abanto bonsi bamanye Yes` osire gocha.   Chorus: `Bwanchani boria bwa kare, `Bwanchani nobuya, `Bwanchani bwa kare Yeso bweka.   2 `Mont` oyom` akaagacha `s` amarab` amaya; Omwag` ogacha omotindi "Okayeiyeria".   3 Oyond` er` akaagacha egetare igoro; Oboroso bwar` obuy` omwaga toyeiyeria.   4 `Bonyansi bwonsi naboyie, `Bonyansi bosire; Emete yonsi nesire, Igena ritigare.   5 Toagach` as` oboros` obuya nere Yeso; `Merindo yense neb` emenge tegotobua.

  [A] YESO MENYA IME YANE   1 Yeso menya ime yane, `Ye `mogambi omuya; Obe amairaneri`, as` okogania kwane; Yeso menya ime yane, Kor` ayorigetie; Nche nimboorokie, Obonene bwao.   2 Nayerure ekaru, Yasibigwe bori, Tig` oborabu bwao bomese korwa ime; Ense yonsi ekire, nonya nomobere, Eri `omosomb` oo atar` as` ore rioka.   3 Ebimo biaye bionsi, Biagw` eriogi riao, Mbire ang`e bionsi pi, Gokor` emeremo yao; Gose tibiri korosa, tibiri kogania, Nony` eubi mbibwati, biarurue pi as` ore.   4 Nenyango gekong`uswa, Teri gwanchereria, `Ganyet`eki_oratebe, `Ker` orayerangerie; Yeso menya_ime yane `ye `mogambi_omuya, Obe amairaneri` as` okogania kwane. [B] NCHWO ABAMWAROSIRE   1 `Nchwo abamwarosire, Nche nimbatimokie" Eriogi ria Yeso riacher` abachandeku Rioroki _amaber` aye, Bun` atwaberete   Mogoko otaere, `bwanchani botambe.   2 "Nchwo inw abatari, Nimba` oborabu" Riogo `giya ria Yeso Korabi` omosunte Ntware nogoichana, ntwasirete enchera Twanyor` om...

NKORO YAN` EYASIBOIRWE!   1 Nkoro yan` eyasiboirw` omotongie Nyasae; Nyigwe omoy`on` amanying` ari` aitegete.   2 Ekweru`as` obokanyeku Asor` Omoboria, `Nkoro ekoigw` eriogi ria Krist`agambe ime.   3 Nkoro eyakorirw`enyia yaichoirw` obwanchani, `Ng` ikeranu _endonge, `nchenu, `ngiya buna ore.   4 Chimbwa chiao aye ong`e `Monene nchwo bwango, Rik` erieta ri` enkoro yane ri`obwanchani.

NER` ENSOKO Y`AMANYINGA   1 Ner`ensoko y`amanyinga, Aya Imanweli; `Banyabibe bay` esibie, Bacheneke bori; Bacheneke bori, Bacheneke, bori; `Banyabibe bayesibie, Bacheneke bori.   2 Omoibi ore gokwa `Karora ensoko; Nainche nimbe omobe bo, Ninsibigw` ebibe, Ninsibigw` ebibe, Ninsibigw` ebibe; Nainche nimbe omobe bo, Ninsibigw` ebibe.   3 Ay` Emanwa manyingao Takoera nguru; Goik` ekanisa enchore, Yaborigwe bori, Yaborigwe bori, Yaborigwe bori, Goik` ekanisa enchore, Yaborigwe bori.   4 `S` okwegena nkayarora, Manying` agoiteka, `Bwanchani n`eganga yane, Rioka goik` ogokwa; Rioka goik` ogokwa, Rioka goik` ogokwa; `Bwanchani n`eganga yane, Rioka goik` ogokwa.   5 Omonene negenire, kwang`eire inche, Ekeegwa kiagorirwe, Ase amanyinga! Ase Amanyinga! Ase Amanyinga! Ekeegwa kiagorirwe, Ase Amanyinga!   6 Ase ogoter` ogwansu, Ntere nguru Chiao; Ker`oromem` or` orobe, Rwaborigwe bori Rwaborigwe bori, Rwaborigwe bori;  Ker`oromem` or` orobe, Rwaborigwe bori. ...

YESO NCHE NINDIGETI` OGOSIBIGWA   1 Yeso nche nindigeti` ogosibigwa. Nindigetie ay` omenye ase nde; Okeiyerie keria kegwekinia, Onsibie bono imbe omorabu.   Chorus: `Morabu pi, nimb` omorabu, Aye koransibie nimb` omorabu.   2 Aye Yeso ondigererie bono, Erio mbe ekeng`wanso kere moyo; Narure bionsi as` ore, n`omoyo, Onsibie bono imbe omorabu.   3 `Monen` one inche nagosoroire, Ninkoganyete as` amagoro ao; Onsibie bono n`amanyinga oka, Onsibie bono imbe omorabu.   4 `Monene nigo nkoganyete aye, Nyasae ontonger` omoy` omuya; Abakogochera tori kobanga, Onsibie bono imbe omorabu.

NGOCHA ND` OMOSALABA   1 Ngocha nd` Omosalaba, Inch` Omwor` omouko; Natigire bi`ens` eye, Ntunyan` Omosalaba.   Chorus: Nagwanchir` aye Yeso, Eng`ondi ya Kalwari; Nakunamir` as`ore Onkonye Omotoria.   2 Nakorereire mono, Nabuirwe n`ebibe; Yes` otebire bori, "Nindabitinyie bionsi".   3 Bionsi narur` as`ore, Ribaga ne chinguru; `Nkoro yane narure, Bibe biao botambe.   4 Yeso nache naende! Naisanek` as`are, Ker` oyor` omochenu, Motogie Omotoria.

OMONENE NDIGETI` EKE   1 Omonene ndigetie eke, Kiagera nakomocheire, As` omorero n`amache, Onsibie mono kegima.   Chorus: Onsibie ime naisiko; Gos` as`omorer` onsibie, `S` encher` ende yonsi nsibie; `Bibe bikwe ime yane.   2 Koranyoroki` oborori, Ninyare kogoka mono, Kondabe n` enkor` enchenu, mbuy` ase nde, mbuy` ase nde.   3 Bun` enkor` ey` er`enchenu, mbe n`oborori obonge; Naki as`_obogima bwao, Ndor` ebinto ebichenu.   4 Omonene natemire, gotanga ay`ar`amabe; Korende tinkonyara pi, gwechena nche omonyene.

GWACHIR` ASE YESO?   1 Gwachir` ase Yes` as`ogosibigwa? Gwasibigwe n`amanying` aye; Mbwegenete obuya bwaye bono? Gwasibigw` as` amanying` aye.   Chorus: `Manyinga y`eng`ondi `Gwasibekir` as` amanyinga? Ngobo chiao tichiri na kemoa? Gwasibigw` as` amanying` aye?   2 Ngotar` ore botambe n`Omotoria, Gwasibigwe n` amanying` aye? Ngotimok` ore as` oyobambetwe, Gwasibigw` as` amanying`aye?   3 Chingobo chiao nchirab` Ere kagocha, chichenek` as`amanying` aye? Mbwebeke ang`e ase obomenyo, N`osibigw` as` amanying` aye?   4 Rusia chingobo chire na ebibe, Osibigw` as` amanying` Aye? Ensoko ner` egosibia enkoro, Osibek` as` amanying` Aye.

NATAYAYIRE KEGIMA   1 Natayayire kegima, Nkoirana nde; Natebanire ebibe, Nkoirana nde.   Chorus: Nkoirana, gocha nka, Intatayaye; As` obwanchani Bwao, Ong`iranie nka.   2 Nasiriri `emiak`emenge, nkoirana nde; Neitirie n`amariga, Nkoirana nde.   3 Narosire as` ebibe, Nkoirana nde; Nyegen` eng`an` obwanchani, Nkoirana nde.   4 Nakw` ogosemeria kwane, Nkoirana nde; Ing`a Yes` er` onkwerete, Nkoirana nde.   5 Ninganeti` amanying` ao, Nkoirana nde; Onsibie ndabe kegima, Nkoirana nde.

`MOTORI` AGANTEBIA   1 `Motori` agantebia: `Nguru chia`o chinke, Renda na gosaba, Nko` ebinto bionsi.   Chorus: Agaakana, esira yonsi, Ebibe bigansiria, Er` akabisibia.   2 Monene nanyora `Nguru chiao chioka; Chionchor` omobe `re n`enkor` enkong`u.   3 Timbwati ekiya, Ndanyorer` obuya, Nsibie ngobo yane, S` amanying` eng`ondi.   4 `Bosio bw`ekerogo, Nintenene buya, Ebiegwa biane Nimbek` ase Yeso.

YES` AS` OMOSALABA   1 Yes` as` omosalaba, Nensoko engiya Ekogweni` oborwaire, Korw` ria Kalwari.   Chorus: Kalwari, Kalwari, `Gotogia botambe, `Nkoro yan` etimoke, As`oroche ng`umbu.   2 Agw` as` omosalaba, Nkanyor` amabera; `Ng`enang`eni ya mambia, `Ndaberi` amasaria.   3 Ang` as` omosalaba, Ng`ondi ya Nyasae Nkonye ntare botambe, `S` ekiriria kiao.   4 Ang` as` omosalaba, Nganye, nsemeretie, Goika ng`ike ens` eria, As` oroche ng`umbu.

BIONSI NAMOEIRE YESO   1 Bionsi namoeire Yeso, `Moyo bwonsi narure; Mwanche amatuko onsi, Meny` asare botambe.   Chorus: Bionsi as`ore, Bionsi as`ore, Bionsi as`ore, `Motoria, Narure bono.   2 Bionsi namoeire Yeso, Natung`amir` as`ore, Nyetig` emegoko y`ense, Yeso ng`ire as`ore.   3 Bionsi namoeire Yeso, Nimb` oyoo botambe; Tiga nyigwe ay` Omoika, Manye Aye noyone.   4 Bionsi namoeire Yeso, Bono namororire, `Mogoko bw`ogotorigwa, Ntogie Erieta riao.

NOSIBOKE KORWA AS` EBIBE   1 Nosiboke korwa as`ebibe? `Manyinga nare ne chinguru, Nobibue ebib` ore nabio?   Amanyinga ye chinguru.   Chorus: Ne chinguru chia ogokumia; `Manyinga y`eng`ondi Ne chinguru chia ogokumia; As` amanyinga y`eng`ondi.   2 Nosiboke korwa ogochaya? `Manyinga nare ne chinguru `Nchw` osibigwe aria Kalwari; Amanyinga` Aye chinguru.   3 N`ocheneke na koraba mono? `Manyinga nare ne chinguru Ebimoa bi`ebibe bisire, Amanying` Aye chinguru.   4 N`omokorer` Omogambi Yeso? `Manyinga nare ne chinguru Kera rituk` aye n`omotogie? Amanying` Aye chinguru.

NAREO ONYANCHETE   1 Nareo onyanchet` agakw` agantoria Inch` omonyabibe mbe moyo Nchera Y` omosalab` akerua gotacha Bibe biane bionsi biaberwe.   Chorus: Bionsi biabambirwe, Bionsi biabambirwe Agancha ere kobogoria N`oboror` obonge Yeso anyorete Kabibogori` ebibe biane.   2 Nig` are omworor` omoremereria Ogochena enkoro yane, Tindi na ekina n` omosibore nde, Kebibe biane biabambirwe.   3 `Menye as` Omotoria tinkomotiga, Ntare n` omogoko botambe, Nintere n`omonwa Goter` as` enkoro, Ebibe biane biabambirwe.

KWAROSIR` AYE?   1 Kwarosir` aye na gochandeka? Motebie Yeso, Motebie Yeso; Gwechander` ayakona goeta?   Motebie Yeso bweka.   Chorus: Motebie Yeso, Motebie Yeso;   N`omosani `manyire, Tori na Mosani onde bun` Ere, Motebie Yeso bweka.   2 Nig` okonakoiyeri` amariga? Motebie Yeso, Motebie Yeso; Nobwate ebibe bia bobisi? Motebie Yeso bweka.   3 Kwoboire emechand` emenge, Motebie Yeso, motebie Yeso; Nig`ogwechandera aya ankio, Motebie Yeso bweka.   4 Nigo kwarengereirie ogokwa? Motebie Yeso, motebie Yeso; Kwaganiri` obogambi bwa Kristo, Motebie Yeso bweka.

`BOGIMA MBORE OMOSALABA   1 Bogima mbore Omosolaba, Yes`ateba "Ndigererie"; `Nibo y`ense nig` ere bosa, Enibo engiya nase Yeso.   Chorus: Rigereria Kalwari (rigereria kalwari), Onyore obogima (onyore obogima); Obogima bwa bosa (obogima bwa bosa), Rigereria kalwari (rigereria kalwari rigereria).   2 Nkarigereri` Omotoria one, Nere agansasokera; `Ker` amatemw` agonchichera, Nindigererie Omosalaba.   3 Ndigereri` Omosalaba rioka, Nyegen` eira ya Nyasae; Onde takogw` as` amatemwa `yo bwegenete nguru chia Igoro.

KORABE NYANCHA IME   1 Korabe nyancha ime as`omwaga, Aroro okage gwaisire gokwa; Chaka kobara ebisio obwate, Nokumie mon` obuya bwa Nyasae.   Chorus: Bar` ebisio, `kemo ekemo, Many` eki Nyasa` atomire, Bar` ebisio, `kemo ekemo, Nokumie `buya bwa Nyasae mono.   2 Korabe kwarosire n`egurube, Gokwarengereirie kwabuirwe, Chaka kobara ebiso obwate, `Mogoko ay` ogotera nonyore.   3 Ker` okorora enibo y`abande, Inyor` eira y`enibo ya Kristo, Bar`ebisi` otagore ne chibesa, Ng`eria yao nenka ere Igoro.   4 Igo as`esegi tagoichana, Nyasa` ere bwanchire gotokonya, Bar`ebisio `malaika mbabeo, Mbagokonye goika omoerio.

NAMWANCHIRE YESO BWEKA   1 Namwanchire Yeso bweka, Naigur` amang`an` Aye Tinkoiroka gento kende ko namwanchire Yeso.   Chorus: Namwanchire, namwanchire nanchir` amang`ana `ye Namwanchire, namwanchire nanchir` amang`ana `ye.   2 `Bibe biane moe Yeso `nsibirie n`amanyinga Nandende amatuk` onsi `kong`iki` ase Nyasae.   3 Bono tinkoiroka kende, `nkoro yakwegenire Nchera neba omosunte, Yeso omorekire.   4 Nkoro namoeire Yeso, nomober` one bwonsi `Matuk` onsi nanganyete, ang`ire omochi` oye.

`GOSEMERIA KW` OMOKRISTO   1 Gosemeria kw` Omokristo, Kero are ense, Koremia enkoro buya, Ense y` obororo, Koremia enkoro buya, Ense y`obororo.   2 Gotworokia ens` engiya, `Baya baramenye. Toumerane n`abaya. Totatananeke, Toumerane n`abaya. Totatananeke.   3 Ens` ebibe bitachiche, Amatemwa taiyo, Omogoko nomenyeo, Otaere rinde, Omogoko nomenyeo, Otaere rinde.   4 Amariga takobao, Amakweri taiyo, Abamenyi bagwekane Abamalaika, Abamenyi bagwekane Abamalaika.   5 Amatuko era bwango, `Motoria nchwo bwango, Ntoganetie gokorora, Buna re aye, Nagoika nka Igoro, Enka y`omogoko.